Blag Forbairt Naíonraí Teoranta

Íomhá

An Ghaeilge sa Spás!

Posted by: on: 29/05/2013

An Ghaeilge sa Spás!

An Ghaeilge sa spás!

Tharla imeacht thar a bheith stairiúil an mhí seo ar an 11 Bealtaine, nuair a d’éirigh le Cultúrlann McAdam Ó Fiaich i mBéal Feirste na chéad fhocail scríofa Gaeilge a sheoladh in éadan na himtharraingthe chun an spáis.

Ceanglaíodh cóip de bhróisiúr ealaíon na Cultúrlainne le balún héiliam a thaisteal 40km go himeall an spáis agus a tháinig ar ais ar pharaisiút – turas a mhair cúig huaire an chloig ina iomláine ó lainseáladh an balún go dtí gur landáil sé athuair i gCalifornia.

Rinneadh an turas iomlán a thaifead ar cheamaraí ar bord ar éirigh leo íomhánna iontacha den bhróisiúr amhail an íomhá seo.

Bhí Frainc Mac Cionnaith, Bainisteoir Imeachtaí na Cultúrlainne ag iarraidh tógáil ar an éacht a rinneadh i mí Feabhra nuair a rinneadh na chéad fhocail Ghaeilge a tvuíteáil ón Stáisiún Idirnáisiúnta Spáis.
“Shocraigh muid go raibh sé in am dúinn a thuilleadh Gaeilge a sheoladh suas, rud éigin a raibh baint níos mó aige leis an teanga agus leis an chultúr ar léi.”

Tuilleadh eolais ar an scéal iontach seo ag : http://culturlann.ie/news.php?a=83&lang=ga.

Freagra

Is blag í seo atá dírithe ar an scoilphobal gaelach.
Go príomha orthu seo siúd a bhíonn ag obair i naíonraí/naíscoileanna nó mar thuismitheoirí do ghaeil óga a fhreastalaíonn ar sheirbhísí cúraim leanaí lán-Ghaeilge.

É sin ráite, is deis é lucht na naíonraí a chur i measc pobal na Gaeilge agus an Gaeltachta i gcoitinne agus beidh neart eolas dóibh siúd atá Gaeilge acu (nó atá a fhoghlaim).

Is é an luath-thumoideachais iomlán bunchloch sealbhú teanga sna naíonraí/naíscoileanna agus mar sin féin, is iad na naíonraí agus na naíscoileanna bunchloch an chórais luath-thumoideachais iomlán in Éirinn!

Blagáil ar WordPress.com.